ENSHEIM Homepage

Omm näggschde Sunndaa isch's sowidd:
Sie schdelle um uff Summazidd!
Omm Oowend isch's donn länga häll,
Dodroon geween ich mich meischd schnäll.
Monche Lied finne's nidd so gudd,
fiehle sich nidd wohl in da Hudd,
mache oowends long känn Aue zuu
dunn nidd gudd schloofe, honn känn Ruh
sinn wie gerelladd omm onn're Daa
so gedd's degga als minnem aa.
Donn hadd's zuu gaa niggs Ommbaschuur,
isch nidd gudd druff unn gnawwadd nur
schilld jeeles Mool, ma härrd's wie widd,
vamässe uff die bleed Summazidd.
Dass Minsch hadd donn e digga Hals
unn wänn's wielich isch , seed's donn als:
Die Kieh gänn winnicha Millich,
die Gweddsche wärre nidd zillich.
Die Lied grinn, dass isch nidd oohne,
als Summazidd-Deprässjoone
So zehld's Nohdääl um Nohdääl uff,
blibbd awwa sällwadd oowends uff
unn's michdem aa schunn aarich Schbass
long druss se hugge uff da Tärrass.
Awwa droddsdääm wärrd donn dischbedierd
unn omm Änn seed's degg uungeriehrd:
Dasses joo wääschd! Ich bruchse nidd,
Dinn bleeli, doofi Summazidd!

* Das Gedicht wurde im November 2025 im Saarpfalz-Jahrbuch 2025 erstveröffentlicht.

Top | Mundartgedichte-Auswahl | Mundart-Auswahlseite | Inhaltsverzeichnis  

Bitte beachten Sie meine Datenschutzerklärung!